Mae Martin yn arbenigwr ym maes dyfodolion strategol ac arloesedd - meysydd y mae'n ymchwilio iddynt, yn ymgynghori ac yn cyflwyno arnynt ar lefel ryngwladol. Mae llawer o'r gwaith hwn yn canolbwyntio ar ddau gwestiwn allweddol:

Pa effaith gaiff newidiadau economaidd, technolegol a chymdeithasol ar sefydliadau?

Sut gall ail-gynllunio'r dyfodol, gydag amodau a rhagdybiaethau gwahanol, fod yn sail i'r penderfyniadau a wnawn heddiw?

Mae gan Martin brofiad helaeth o gynllunio a chyflwyno prosiectau ymchwil, aseiniadau ymgynghori, cyrsiau hyfforddi a gweithdai ar bynciau megis tueddiadau a gyrwyr technoleg byd-eang, creu senarios ac arloesedd.

Ymhlith ei aseiniadau diweddar mae Eco-Innova, prosiect ymchwil rhyngwladol sy'n canolbwyntio ar ddatblygu eco-arloesedd; Prosiect Foresight ar yrwyr a thueddiadau byd-eang a blaenoriaethu Ymchwil a Datblygiad ar gyfer Forfás, y corff ymgynghorol cenedlaethol ar bolisïau ar gyfer mentergarwch a gwyddoniaeth yn Iwerddon.

Mae hefyd wedi cynnal gweithdai hyfforddiant ar senarios ar gyfer llunwyr penderfyniadau yn Senedd Ewrop yn ogystal â phrosiect ymchwil rhyngwladol ar addasu i newid yn yr hinsawdd.

Martin sefydlodd y Ganolfan Ymchwil Dyfodolion ac Arloesedd yn Ysgol Fusnes Morgannwg yn 2008 ar ôl gweithio yn Ysgol Fusnes Caerdydd  rhwng 1999 a 2008

Mae'n Gadeirydd Grwp y Deyrnas Unedig ar gyfer y Millennium Project, seiat syniadau fyd-eang sy'n ystyried y dyfodol

Siaradwyr Eraill

• Tim Smit Prif Weithredwr, yr Eden Project
• Andrew Conlan-Trant Cyfarwyddwr Gwasanaethau Marchnad Lafur Rehab Group
• Ann Beynon OBE Cyfarwyddwraig Cymru BT
• Gulzari Babber Dirprwy Lywydd CIMA
• Cefin a Rhian Roberts Sylfaenwyr Ysgol Glanaethwy