Ganol 1991 cafodd ei recriwtio i greu a rhedeg yr hyn a adnabyddir bellach fel yr Admiral Group. Cafodd Admiral ei lansio ar amser ac o dan ei gyllideb ar 2 Ionawr o'u pencadlys yng Nghaerdydd. Erbyn hyn mae gan y cwmni dros 1,900,000 o ddeiliaid polisi a dros 3,000 o weithwyr.

Ceir naw brand dan ymbarel yr Admiral Group, Admiral, Bell, Confused.com, Diamond, elephant.co.uk a Gladiator Commercial yn y DU, Balumba.es a Rastreator.com yn Sbaen, AdmiralDirekt.de yn yr Almaen a ConTe yn yr Eidal. Roedd trosiant yn 2008 dros £900m ac roedd elw yn 2008, y flwyddyn lawn ddiweddaraf y cyhoeddwyd ffigurau ar ei chyfer, yn £202m.

Ym mis Medi 2004 rhestrodd Admiral ei gyfranddaliadau ar Gyfnewidfa Stoc Llundain. Roedd y cwmni werth £711m ar y diwrnod hwnnw. Ers hynny mae cyfranddaliadau Admiral wedi cael eu prynu a’u gwerthu am gymaint â £11.95. Heddiw, mae’r cwmni werth oddeutu £2.3 biliwn ac mae Admiral yn un o’r cwmnïau yn y FTSE 100.

Mae Admiral hefyd wedi ennill llu o wobrau, gan gynnwys Busnes y Flwyddyn yng Ngwobrau Busnes Cenedlaethol 2004 a Chyflogwr y Flwyddyn yn yr un seremoni yn 2005, Cwmni Cymreig y Flwyddyn yn 1999 ac yn 2005 ac mae wedi cael ei enwi ymhlith y 100 Cwmni Gorau i Weithio Iddynt yn y DU gan y Sunday Times bob blwyddyn ers llunio’r rhestr.

Cyn dechrau Admiral, Henry Engelhardt oedd Rheolwr Marchnata a Gwerthu Yswiriant Churchill.

Americanwr yw Henry Engelhardt ac mae wedi gweithio yn UDA, y DU a Ffrainc mewn gwasanaethau ariannol ymateb uniongyrchol. Mae ganddo MBA gan Insead, Fountainebleau, Ffrainc a BA o Brifysgol Michigan, Ann Arbor, Mi. UDA

Mae’n briod a chanddo bedwar o blant ac yn byw yng Nghaerdydd.

Uchafbwyntiau Eraill

• Claire Robertson O Woolworths i Wellworths
• Greg Evans Enillydd un o Wobrau Arweinyddiaeth Arwain Cymru/Leading Wales yn 2009