Mae gofyn meddwl a gweithredu mewn ffordd wahanol o dan amgylchiadau economaidd na welwyd o’r blaen. Bydd cynhadledd eleni yn cynorthwyo busnesau a sefydliadau i ddatblygu dulliau newydd i’w helpu i lywio drwy’r hinsawdd bresennol ac i’w paratoi ar gyfer cyfnod mwy llewyrchus.

Ffederasiwn y Busnesau Bach sy’n cyflwyno’r gynhadledd eleni ac mae’n bosibl drwy gydweithrediad positif ystod o gyrff proffesiynol a phartneriaid allweddol. Bydd y diwrnod yn canolbwyntio ar helpu mynychwyr i ganfod cyfleoedd newydd, cyflwyno arferion busnes arloesol a datblygu diwylliant creadigol er mwyn goroesi, ffynnu a llwyddo.

Unwaith eto, mae partneriaid y gynhadledd wedi datblygu rhaglen ysbrydoledig sy’n procio’r meddwl ac a fydd yn cynnwys cyflwyniadau gan:-

Henry Engelhardt Prif Weithredwr Grŵp Admiral – un o’r cwmnïau yswiriant mwyaf llwyddiannus o’r holl gwmnïau yswiriant ymateb uniongyrchol yn y DU. Mae Admiral wedi cael ei enwi ymhlith y 100 Cwmni Gorau i Weithio Iddynt yn y DU gan y Sunday Times ers i’r rhestr ddechrau 9 mlynedd yn ôl.

Claire Robertson Y rheolwr Woolworths a heriodd y dirwasgiad yng nghanol y penwadau negyddol ac ailsefydlu ei siop fel Wellworths.

Greg Evans Enillydd un o Wobrau Arweinyddiaeth Arwain Cymru/Leading Wales yn 2009 a oedd yn cydnabod ei arweinyddiaeth ysbrydoledig a’i gyfraniad arbennig tuag at ffyniant Cymru.

Gyda sesiynau dysgu llawn gwybodaeth, arddangosfa fusnes eang a chyfleoedd rhwydweithio gwych gydol y dydd, mae Goleuo'r Gogledd: Creu Cyfleoedd yn ddigwyddiad na ddylech ei golli.

Er mwyn bod yn rhan o brif ddigwyddiad busnes Gogledd Cymru: Cofrestrwch yma.

Cyflwynir y gynhadledd gan

Pam ddylech fynychu'r gynhadledd?

• Siaradwyr ysbrydoledig Henry Engelhardt, Claire Robertson a Greg Evans
• Sesiynau dysgu ar y thema Creu Cyfleoedd
• Darganfyddwch sut i ddatblygu diwylliant arloesol a chreadigol o fewn eich mudiad
• Dysgwch am dueddiadau'r dyfodol a chyfleoedd i'ch busnes
• Rhwydweithio gwych gydol y dydd i feithrin cysylltiadau busnes
• Arddangosfa gyda chynrychiolwyr o'r sector preifat a chyhoeddus

Goleuo'r Gogledd 2008: Dyfodol Cynaliadwy

Galeri Cynhadledd Goleuo'r Gogledd 2008

Ymwelwch â gwefan Goleuo'r Gogledd - Dyfodol Cynaliadwy 2008